Dili kinahanglan sa Commission on Election (Comelec) nga bakunado ang botante aron makabotar sa 2022 Elections.
Sumala ni Comelec Spokesperson James Jimenez , ang pagdugang sa maong requirement gikunsiderang unconstitutional.
Sumala pa, dili angay pangayuan og dugang requirements ang pag-exercise sa katungod sa pagboto o right of suffrage.
Mao kini ang pahayag ni Jimenez human nigawas ang daghang pangutana mahitungod sa posibleng pagpatuman sa “No Vaccine, No Vote” policy.
Butyag ni Jimenez, walay kalambigitan ang vaccination status sa katungod sa pagbotar.
Dili usab requirement ang national ID.
Ang 2022 National and Local Elections naka schedule sa May 9, 2022. BNFM-Davao
