ANGAYANG magpatuman lang og no movement sa baboy sa lugar nga may positibo sa African Swine Fever o ASF ug dili sa entiro syiudad.
Matud ni Kagawad Richard Atendido, kanhing chair sa Agriculture Committee sa konseho nga subay sa nasayran niini sa balaod kadtong lugar lang nga may nagpositibo sa ASF mao ang magpatuman og no movement sama sa Barangay Baluan ug sa Ligaya nga naapil sa 500 meter radius.
Bisan sakit matud pa dawaton alang sa mga magbababoy apan gihimo ang maong lakang aron maprotektahan ang ubang lugar nga wala nasudlan sa sakit.
Sa karon gamay lang matud pa ang assistance nga matabang sa mga apektado apan may sogyot kini kaniadto sa SP ug maoy ginaduso usab kang Mayor Lorelie Pacquiao nga tugbangan kung unsa ang nawala nga kantidad sa nanag-iya sa gipang-cull nga baboy.
Awhag na lamang niini sa mga may susamang matang sa panginabuhian ug sa mga mag-uuma nga iparehistro sa DA aron may madawat nga kompensasyon ugaling maigo sa sakit ang mga gialimahan o kaha pananum.
