Ipatutupad ng Philippine National Police ang no fly at drone sa araw ng State of the Nation Address sa darating na July 22.
Ayon kay PNP Public Information Office Chief Col. Jean Fajardo, partikular itong ipatutupad sa paligid ng Batasan Pambansa.
Samantala, suspendido rin ang Permity to Carry Firearms Outside of Residence sa National Capital Region mula alas 12:01 ng umaga hanggang 11:59 ng gabi sa July 22.
Nauna ng sinabi ng PNP na nasa final stage na sila ng preparasyon para sa seguridad sa SONA.
Nasa 22 libong mga pulis ang kanilang ide-deploy, kung saan ang pinakamalaking bilang ng mga pulis ay manggagaling sa National Capital Region Police Office.
