Base sa Land Transportation Office (LTO), kinahangean anay nga makabuoe it certification of completion of comprehensive driver’s education (CDE) ro mga aplikante sa driver’s license ag ro mga gusto nga mag-renew it expired nga lisensya.
Apisar nga uwa pa it eksakto nga petsa kung hin-uno igapatuman raya sa Western Visayas, ginakumbinse it LTO 6 ro tanan nga mga motorista nga ipasa raya.
Ro CDE hay ginakeakipan it refresher seminar ag sambilog ka eksaminasyon nga gindisenyo agud masiguro nga mga aplikante eamang nga may kasanayan sa pagmaneho ro makabuoe ag makapagrenew it andang mga lisensya.
Base pa kay Atty. Allan Sacramento, acting chief it LTO-6 operations division, tuyo it CDE nga iangat ro kalidad it mga motorista sa mga ginapatuman nga regulasyon sa trapiko./JIL B. LACSON
