GIHINGUSGAN sa mga opisyal sa National Inter- Agency Task Force on Covid-19 (NIATF) ang importansiya sa pagpabakuna batok Covid-19. Matud ni NIATF Chief implementer ug vaccine czar Sec. Carlito Galvez Jr., angayang magpabakuna na ang tanan dungan sa bahad sa mas makatakod nga Omicron variant.
Butyag niini, dunay paigong supply sa bakuna ug dunay gimuntar nga vaccination site sa mga Rural Health Unit (RHU) ug mga mega vaccination site nga nagpabakuna matag adlaw.
Kahibaloan nga naa na sa 48% sa target population sa GenSan ang fully vaccinated na batok sa virus. Samtang punting sumala pa ni Dr. April Mae Maquilang, immunization coordinator nga punting nila karong makab-ot na ang herd immunity o mabakunahan ang aktwal nga populasyon sa GenSan. I Richel Gubalani
