MOAGI pa sa concurrence sa Sangguniang Panlungsod ang appointment sa bag-ong labaw sa City Social Welfare and Development Office kun CSWDO sa GenSan.
Segun ni Kagawad Richard Atendido nga bisan gi-appoint sa mayor ang bag-ong labaw sa maong buhatan human nagretiro si Rebecca Magante, moagi pa sa konseho ang pagtugot aron hingpit kining mamahimong labaw.
Apan kung dili paburan sa mga konsehal, magpabiling OIC ang status sa posisyon sa CSWDO head.
Una nang gikadismaya ni Atendido ang pagtuboy sa mayor sa dili taga mismong buhatan ug usa ka outsider ug gikabalak-an nga maka-demoralized kini sa mga empleyado.
Dugang niini nga unta gitan-aw ang kahimtang sa buhatan ug dili lang tungod sa unsa pa mang rason ug gibutyag ni Atendido nga dili lang matud pa kini nahitabo sa CSWDO apan may nasayran usab kini nga laing buhatan.
Usa sa naga-expect nga mabutang sa maong pwesto si Myrna Salazar nga 35 ka tuig na usab sa maong buhatan apan wala natuboy tungod matud pa sa kakulangon sa rekisitos aron mabutang sa maong posisyon.
