DAKPAN sa otoridad sa GenSan ang usa ka lalaki nga gituohang namaligya og vaccination cards. Giila ang dinakpan nga si Marvin John Señeres Pocon, 38-anyos, taga Purok 5, NLSA road, Barangay Lagao ning dakbayan.
Nasikop si Pocon pinaagi sa entrapment operation alas-11:56 sa udto atubangan sa usa ka food chain sa Barangay Lagao. Sa report sa Criminal Investigation and Detection Group (CIDG) napalitan sa undercover og vaccination card si Pocon gamit ang P1,000.
Nakumpiska sa operasyon ang 39 gikaengong TAPAT vaccination card, unom ka Covid-19 vaccination certification gikan sa pribadong ospital ug nagkadaiyang identification cards ni Pocon. Gibutyag sa CIDG-12 nga wala nabakunahan batok Covid-19 ang nakapalit sa vaccination card ni Pocon. Matud ni Karl Queipo, labaw sa city’s vaccine operations cluster, peke ang vaccination card nga ginabaligya sa dinakpan.
Dunay database ang LGU nga makasuta sa rekord sa mga bakunadong indibidawal ug abli matag adlaw ang mga vaccination site sa GenSan. Samtang kasong pagsupak sa Republic Act 11332 section 9 relation sa Bayanihan act as one ug estafa ESTAFA thru Falsification by private individual and use of falsified document ang atubangon sa dinakpan. I Richel Gubalani
Photo for Illustration Only
