Kumpiyansa ang National Irrigation Administration na maaabot ng Pilipinas ang target na 97.5% rice self-sufficiency sa pagsapit ng taong 2028.
Ayon kay NIA acting administrator Eduardo Guillen, patuloy nilang kinukumbinsi ang mga magsasaka na magtanim ng hybrid rice na bagamat matakaw sa tubig at may kamahalan ang produksyon, kung may sapat namang suporta ang gobyerno tulad ng pamamahagi ng fertilizers ay maeenganyo silang magtanim nito.
Bibigyan rin aniya ng tamang pagsasanay at makinarya ang mga magsasaka para maiproseso ang kanilang mga inaning produkto at mai-alok sa merkado.//CA
