Namimintana nga magbaligya hin tag 29/kilo han bugas an National Irrigation Administration (NIA) yana nga tuig, kahuman han pilot implantation han ira programa nga contract farming, kun diin nakikipag kontrata an ahensiya han mga Irrigators Association ha rehiyon nga may-ada tag-iktarya nga tanuman hin humay.
Ha eksklusibo nga pakipag-himangraw han Brigada News Fm Tacloban kan Engr. Jojo Arceña, Division Manager han NIA-8, ginsumat hini nga kada parag-uma nga mayda usa(1) ka ektarya nga tanuman in tatagan nira hin P50,000 nga production coast, pero dapat may-ada return nga 5,000 tons kada ektarya nga ighahatag ha NIA, ngan kada 5,000 tons naman nga mahaharvest han parag-uma tatagan utro hin kadungan nga P50,000, kun makaharvest naman hin labaw hin 5,000 tons an subra kana ighahatag na ha parag-uma.
“It anvantage hini waray n akita puhunan, deri n akita mangungutang kundi iton NIA igpro-provide kamo hin equivalent to 50,000 nga seed and then kanan pesticides.”
Suma total may-ada kwarenta-mil (40,000) ka ektarya an nakaprograma ha bug-os nga nasud, ngan hini nga numero 1,872 para ha Region-8, nga amo an pilot areas, 1,611 hini in ha Abuyog, Leyte ngan an nabibilin naman nga 210 hectares in ha bungto han Palo, Leyte.
Sering han mao nga opisyal,an proceeds nga makukuha tikang hini nga program makikipag kontrata hira ha mga IA para han pag-bulad ngan pagpamulino ngan an 50% hini igbabaligya han mga IA ha ka Kadiwa Center han NIA, ngan an 50% naman in ibabaligya han IA hin tag 35/per kilo pero an igbabalik ha ira nga proceeds in tag 29/Kilo para daw liwat kumita ngan magkaada hin pundo an mga Irrigators association.
Samtang, nagklaro naman hi Arceño nga limitado la ha tag 10kilos an ira pagbaligya ha kada mapalit han nasabi nga bugas ngan prayoridad nira baligyaan an mga pamilya nga aada ha marginalize sector, Dungan ha pag-aghat han mga parag-uma nga suportaran an programa.// Jason Delmonte
