LEGAZPI CITY – Maogmang ibinareta kan National Food Authority (NFA) Bicol na naglangkaw na an presyo kan pagbakal ninda nin paroy sa mga paraoma.
Ini an kinumpirmar ni NFA Bicol Assistant Regional Director Julie Llenaresas sa Brigada News FM Legazpi.
Segun saiya, ngunyan na aranihan, an bagong presyo kan pagbakal ninda kan paroy, nasa PHP23 kada kilo para sa mga gango na, asin PHP18 kada kilo para sa mga bagong ani alagad igwa pa su boot ining mga additional.
May dugang kaya sindang buffer stock incentives kaya naglangkaw sinda kan presyo.
Sinabi ni Llenaresas, kinakaipuhan nindang magkaigwa nin dakulang buffer stock nganing magamit sa panahon nin kalamidad o emerhensya.
Ini su boot an nagin kapaagihan nganing matabangan an mga paraoma na magkaigwa nin kapalit sa saindang investment sa ibong kan nagmamarahal na presyo kan mga abono, labor, asin mga pesticides.