LEGAZPI CITY – May pagkaklaro an National Food Authority Bicol mapadapit sa pagpapabakal nin mga sinakong bagas.
Sa intrevista kan Brigada News FM Legazpi kay NFA Bicol Officer in Charge Julie Llenaresas, tinawan doon kaini na dai sinda nagpapabakal nin mga basa sa mga pribadong sektor.
Segun saiya, susog ini sa Rice Tarrification Law, kun sain nakabugtak na an mga bagas para sana sa mga lokal na gobyerno asin mga relief agencies arog kan Department of Social Welfare and Development asin Department of National Defense, pati man an Red Cross asin legislators.
Sinabi niya na an mga ini, kadalasan nagbabakal sa panahon nin mga kalamidad para sa relief purposes.
Puon su boot kan nagin epektibo an nasambit na ley, dai na sinda pigtutugutan na magpabakal nin bagas sa pribadong sektor.
