Nanawagan karon ang environmental groups ngadto sa Department of Environment and Natural Resources – Region XI nga ikansela ang Timber Permit nagtinguha nga putlon ang karaan nga punuan sa mga kahoy sa Mounts Makabol-Alikoson Conservation Area (MMACA).
Kini human naglusad og signature campaign ang Ecoteneo, Interfacing Development Interventions for Sustainability (IDIS), Philippine Eagle Foundation, Save Macabol Forest and Watershed, Students’ Environmental Alliance of Davao nga gisugdan niadtong Lunes Nobyembre 29, 2021.
Gustong ipabasura sa maong mga grupo ang “Private Land Timber Permit No. RXI-PLTP-001 2021” nga giisyu aron pamutlon ang 121 old-growth trees sulod sa MMACA nga gikonsederang “ancient nesting site sa Philippine Eagle pair”
Unod usab sa petisyon ang panawagan ngadto sa DENR nga ilhon ang MMACA isip environmentally critical area sa Davao City Watershed Management Code.”
Ang MMACA naglangkub sa 8,819 hectares nga matud pa nahimong pinuy-anan sa mga batang agila sukad pa sa miaging mga katuigan diin unang narekord sa Philippine Eagle Foundation (PEF) niadtong 1986. BNFM-Davao
