Bidding na lang ang ginahulat sang gobyerno probinsyal agud matigayon ang bulk water project sa probinsya sang Negros Occidental.
Suno kay Governor Eugenio Jose Lacson, nga ginahimo nila ang tanan nga nagaka-angay nga pagabuhaton agud nga matigayon ang amo nga proyekto kag ginapahayag man sini, nga sa tion sang bidding dira mahibaluan kun sin-o ang nagaseryoso sa nagbakal sang mga dukomento nga magapadayon kag ang magdaog sa bid.
Ginpahayag man ni Lacson nga padayon nga ginatun-an ang amo nga water project kay may yara na sila sang siyentipiko agud nga basehan sang pagpatuman sini, samtang nagapati man ang gobernador nga damo suba sa probinsya nga sarang magamit ukon pagakuhaan sang suplay sang tubig para sa amo nga project.
