Arestado ang ginakabig nga Top 8 sa Provincial Target List sang mga kapulisan kag ang ka live-in partner sini sa buybust operation sa Camella Bacolod South, Brgy. Tangub.
Narekober sa duwa ang 402 gramos sang ginapatihan nga shabu, nagabalor 2,856,000 alas 4:50 sang hapon, Mayo 16.
Ang mga subject ginkilala sanday Richard Monton 42 anyos, residente sang nasambit nga lugar kag Jenimar Garcia 32 anyos residente sang Brgy. Singcang Airport.
Si Monton ginapatihan nga supplier sang shabu sa aton probinsya kag napreso na sa New Bilibid Prison kaangut man sa kaso sang illegal nga droga.
