Dumalo sa pagdinig ng senado ang kilalang negosyante at sabong aficionado na si Charlie ‘Atong’ Ang sa ikalawang senate hearing kaugnay sa usapin ng online sabong at isyu ng nawawalang sabungero.
Ito ay matapos na madawit ang pangalan ni Ang sa mga nawawalang mga sabungero.
Napag-alaman kasi sa unang senate hearing na Ang ang may-ari sa tatlong cockfighting arena kung saan nawala ang mga sabungero.
Una nang sinabi ni committee on public order and dangerous drugs chairman Sen. Ronald Bato de la Rosa na umaasang makapagbibigay linaw si Ang sa kaso ng mga nawawalang sabungero.
Samantala hiniling naman ng negosyante sa senado na magkaroon ng executive session dahil sa mga sensitibong impormasyon na kanyang ibabahagi.
