Arestado ang ginakabig top 1 most wanted person in municipal level nga nagapangatubang sang kaso nga Homicide sa Poblacion Bingawan, Iloilo takna alas 5:12 kahapon sang Huwebes, Enero 18.
Ginkilala ang akusado kay alyas Gabi, 34-anyos, mamumugon, residente sang Brgy. Manoling, President Roxas, Capiz.
Ang warrant of arrest ang gin-isyu kag ginpermahan ni Judge Esperanza Isabel E Poco Deslate, Regional Trial Court, Sixth Judicial Region, Branch 19, hall of justice Roxas City, Capiz napetsahan Agosto 30, 2023.
Ginrekomendar sang korte ang P120,000 nga piyansa para sa temporaryo nga kahilwayan sang akusado.
Sa karon, nagapabilin ini sang kustodiya sang Pres. Roxas PNP para sa nagakaigo nga disposisyon. | Judy Ann Juare
