Naitala ng National Capital Region ang 89.42 percent na COVID-19 average daily attack rate (ADAR) ayon sa datus ng OCTA research group.
Dahil dito maituturing na umanong nasa ‘severe outbreak’ ng COVID-19 ang Metro Manila.
Ayon kay OCTA Research fellow Dr. Guido David mula sa dating 12.71 na ADAR noong December 28, 2021 hangang January 3, 2022 bigla itong sumpia sa 89.42% nitong Enero 4 hangang Enero 10.
Naiulat din ng OCTA ang pagtaas sa seven-day positivity rate sa capital region na ngayon ay nasa 48% na.
Inihayag naman ni David na nagkaroon ng bahagyang pagbaba ng reproduction number sa 5.22 mula sa dating 5.65.
Napansin din ng grupo ang pagtaas ng healthcare utilization rate sa 57% ngayong linggo mula sa dating 27 percent.
