Lumalabas sa isang pag-aaral na nangunguna ang Metro Manila sa may pinakamabagal na travel time sa Metro areas sa mundo.
Batay sa Tomtom traffic index ranking, tumatagal ng 25 minutes and 30 seconds para makausad ang sasakyan ng 10 kilometro.
Ayon sa Metropolitan Manila Development Authority (MMDA), isa sa pangunahing dahilan ng mabagal na daloy ng trapiko ay ang pagparada kung saan-saan.
Dahil dito, layon ni MMDA Strike Force Officer in Charge Gabriel Go na paigtingin ang clearing operations hindi lamang sa Mabuhay lanes kundi pati na rin sa mga pangunahing kalsada sa Metro Manila.
