Dinomina ng defending champion Letran ang San Sebastian, 69-50, para sa ikaanim na sunod na panalo nito sa NCAA Season 98 men’s basketball tournament sa San Juan Arena noong Linggo.
Ang panalo ang nagtulak sa Knights sa solong pangalawa sa standing na may 9-3 record na isang laro lamang sa unahan ng Lyceum Pirates (8-3).
Nag-unload ang Knights ng 10-2 run para kunin ang 59-42 lead sa nalalabing 4:44.
Nai-iskor ni Letran guard Fran Yu ang lahat ng kanyang 19 puntos sa second-half.
Nagdagdag si Brent Paraiso ng 13 puntos maliban sa apat na rebound at tatlong assist para sa Knights.
Ang Stags (3-6) ay walang player na naka-double-figures kung saan sina Ken Villapando at Rhinwil Yambing na nakipagsabayan para sa kanilang koponan ay nakakuha lamang ng tig-walong puntos.
