Maaring mabuwag sa ilalim ng Alert Level 0 ang National Task Force Against COVID-19, sakaling maisakatuparan ng gobyerno ang National Action Plan Phase 5 sa ilalim ng Alert Level 0.
Inihayag ito ni DILG Undersecretary Epimaco Densing III matapos niyang sabihin na para maimplementa ang Alert Level 0 ay kailangang maideklara ang COVID-19 sa bansa bilang “endemic.”
Ipinunto ni Densing na sa nasabing panahon, ang mga local government units na ang mamumuno sa policy-making at management ng COVID-19 cases.
Pero nilinaw ni Densing na pananatilihin ng gobyerno ang Inter-Agency Task Force for the Management of Emerging Infectious Diseases.
Ipinunto naman ni Densing na saklaw ng National Action Plan Phase 5 ng gobyerno ang economic recovery ng bansa mula sa epekto ng COVID-19.
