Malipayon nga ginselebrar sa siyudad sang Roxas sa pagpanguna sang City Social Welfare and Development Office ang National Children’s Month bilang paghatag pagtamod sa mga kabataan nga may kasablagan sa lawas.
Bisan sa pinakasimple nga pamaagi mapabatyag sa ila nga sila importante kag nagakadapat amligan kag hatagan sang patas nga opurtunidad sa ikaayong-lawas kag edukasyon.
Nagtambong sa nasambit nga aktibidad sanday City Councilor Jaime Altavas, Persons with Disabilities Roxas City Federation President Lloyd Develos kag Mary Sweelen Potato, PWD Focal Person.
