BICOL – PIGKAKARKOLONG maabot sa labi 5,300 na mga wanted persons matrayumpong nasakote sa mga ikinasang manhunt operation kan PNP-Bicol puon bulan nin Enero hasta Nobyembre kaining taon.
Base sa talaan kan Regional Operation Division, kabale sa mga naarestar an kinse sa regional level; singkwenta y sais sa provincial level; nobenta y tres sa city level; siete sientos kwarenta y siete sa municipal level; asin kwatro mil kwatro sientos man na kabale an other wanted persons.
Labi sa nueve sientos na mga wanted persons an natimbog sa probinsya kan Camarines Sur, pinakahalangkaw sa bilog na rehiyon. Sinundan ito kan Sorsogon na igwang otso sientos trenta y singko ; Albay siente sientos otsenta y singko ; Masbate siete sientos trenta y tres; Cam Norte kinyentos kinse; Catanduanes tres sientos nobenta y tres; asin Naga City na igwang dos sientos siete.
Matang bilang preparasyon sa paparaning eleksyon ,amay soboot tinawan atensyon kan kapulisan sa rehiyon an pagpuho sa man iba ibang ibang criminal gangs asin armed group na nag ooperate sa an iba ibang parte kan rehiyon.
Ini an nagresulta man sa pagkaarestar sa trenta y dos na miyembro kan criminal gangs, sampulo an nagadan asin lima an suminuko gikan sa trenta y nueveng operasyon na isinagibo sa parehong peryodo ngunyan na taon.
Gikan sa mga naaresto, bente nueve sa mga ini an nasangatan na nin kaso.
Segun sa PNP-Bicol, an mga ipigkasar na agresibong operasyon laban sa mga ini an paagi soboot bako sana tangani tawan hustosya an gabos na mga naging biktima siring man macierto an katrangkiluhan sa komunidad urog na sa pagsabat kan pasko asin bagong taon, asin ngunyan na paparani na an eleksyon.
