Andy Galve
KABANKALAN CITY, Negros Occidental — Yara na sa estable nga kundisyon si Joaquin Nobleza, ang 53-anyos nga lalaki nga nakuryente sa Barangay Poblacion, banwa sang Cauayan, pasado las-3 sang hapon, Setyembre 25.
Sa interview sang Brigada News FM-Kabankalan sa mga katapo sang Bureau of Fire Protection (BFP) sa nasambit nga banwa, may ginakay-o ang biktima sa atop sang isa ka establisyemento, atubang sang Prince Hypermart, apang sa iya nga pagtindog nasalapay sang iya ulo ang kable sang kuryente, nga amo naman gintuna-an sang iya pagka-kuryente.
Sa karun, yara sa isa ka ospital sa syudad sang Kabankalan ang biktima kag nagapabulong. – BNFM-Kabankalan
