NATANDOG ang pagbati sa usa ka membro sa tribong Blaan nga nagtambong sa ‘Victory De Avance’ sa partidong AIM gabei sa adlaw nga Huwebis Mayo 5 sa kasamtangan nga tuig.
Sumala kay Helen Ampan natandog ang iyang kasingkasing sa dihang nakita Ug nadungog ang mensahe sa usa ka membro sa ilang katribo nga puno sa padasig gamit sa ilang pinulongan, mao nga nipaduol gayod kini sa stage sa Oval Plaza aron maklaro ang mga kandidato ilabi na si Brigada Elmer V. Catulpos.
Nakadayeg usab si Ampan sa kadaghang mga tawo nga nidagsa bisan kon maot ang panahon, natingala nalang daw siya nga nawala ang bagang panganod unya wala nibundak ang ulan sa katibuk-an sa rally, nagatuo siya nga anaa gayod ang Ginoo sa mao nga ‘Victory de Avance.’
Gidugang ni Ampan nga sa susama nga aktibidad sa Gensan wala gayod siya nagakumpyansa basin adunay magbinuang apan gumikan sa daku niini nga handom nga ipakita ang dakung suporta sa partidong AIM ug kay Brigada Elmer Catulpos nga daan na niya nga nakaila sa palengke niadto gayod siya sa Oval Plaza.
Nanindog usab daw ang iyang balhibo sa gisulti og gilagdaan nga Covenant sa partidong AIM nga ang kondisyon mo-resign sila kon mamansahan sa kurapsyon ang ilang pagdumala sa syudad,nanghinaut si Ampan nga dili gayod mahitabo nga adunay kurapsyon.
Gumikan sa k daghang tawo nagatuo usab si Ampan nga hayag na ang kadaugan sa partido AIM sa Mayo 9. I Ver Diazon
