Bulontaryong misurender ang suspek sa pagsunog sa Daisy’s ABC school ngadto sa kapolisan pasado alas 10 sa gabie sa Brgy. 3 San Carlos City Negros Occidental.
Ang nagsunog naila sa kapolisan nga si alyas Rico, 58 Anyos, Janitor ug nagpuyo sa mismong tunghaan.
Sa pakighinabi sa Brigada News Team ni alyas Rico matud pa niya iyang gituyo ug giplano ang pagsunog sa maong eskwelahan gamit ang gasolina ug kandila tungod gikasab-an siya nga wala niya malimpyohi ang Library ug didto gisultian siya nga June 15 nalang sya kutob.
Dugang pa sa dinakpan nga mangayo siya ug pasaylo ni San Carlos City Mayor Rene Gustilo tungod nalakip sa pagkasunog balay niini.
