LEGAZPI CITY – Paramientras na pigpasarado kan Business Permit and Licensing Office (BPLO) kan Daraga an manlain-lain na mga negosyo sa laog kan public market nin huli ta wara ining naipresentang mga legal permit.
Kabale digdi an kawaran o nag-epxpire nang zonal clearance, sanitation permit, fire safety permit certificate of occupancy, MENRO permit asin business permit.
Igwa sinda nin kinakaipuhan munang mabayadan siring kan buwis asin mga penalidad nganing liwat na makapag-operar.
Nagkapira sa mga pinasarado an barbershops, tinadahan nin karne, sira, bunay asin tiangge.
Mientrastanto, katuwang kan BPLO sa nasambit na operasyon an mga personahes kan Daraga Municipal Police Station, Public Safety Office asin Public Market Office.
Nagpagiromdom an BPLO sa gabos na mga nagnenegosyo na tulos nang magkua nin mga kaipuhang permit nganing dai mapundo an operasyon.
