LEGAZPI CITY – Pig-eenganyar an anom na mga barangay sa syudad nin Legazpi na magpalista na sa City Veterinary Office para sa rabies vaccination.
Segun kay City Veterinarian Dr. Emmanuel Estipona, target nindang tapuson an pagbukana nin mga ayam antes maglaog an Nobyembre.
Kabale sa mga barangay na saindang pigtututukan an Bagacay, Imalnod, Lamba, Victory Village 28, Ilawod East asin Sabang.
Obheto kaini na mabawasan an bilang kan mga nakakagat asin maibaba an nagagadan sa rabies sa Albay.
Kinakaipohan na tapuson an pagbakuna sa mga hayop sa ngunyan na bulan nganing makasabay an syudad sa validation para sa Search for Outstanding Rabies Implementor.
