LEGAZPI CITY – Manlain-lain na mga kahelangan an pigtututukan asin pigmomonitor kan Albay Provincial Office (PHO) kaiba an gobyerno-probinsyal ngunyan.
Kaibahan sa mga kahelangan na ini iyo an dengue, leptospirosis, acute flaccid paralysis, hand, foot, and mouth disease, asin varicella na dara o nati-trigger kan pabago-bagonng panahon.
Igwa kaya su boot ki posibilidad kan paglangkaw ki kaso kan nasambit na kahelanga dara kan sunod-sunod na paglaog kan mga bagyo sa nasyon orog na an epekto kan El Niño phenomenon.
Basado sa datos kan PHO, dengue an pinakadakol na kasong nairehistro kan saindang opisina, kun sain uminabot na sa 118,785 puon Enero hasta Agosto ngunyan na taon.
Mas halangkaw ini nin 143% kumpara kan taon 2021.