Naka hospital arrest ru sangka driver it tricycle matapos maka angkon it lastro sa kaeawasan sa natabong pagsunggaban it tricycle ag motorsiklo sa Brgy. New Buswang, Kalibo, Aklan ku Sabado it gabie.
Sa report, nakilaea ru driver it tricycle nga si Noriel Bautista, sa legal nga edad ag residente it Brgy. New Buswang, Kalibo, Aklan.
Samtang ru driver it motrosiklo hay nakilaeang si Drandreb Ruiz, 37anyos ag residente it nasambit man nga lugar.
Base sa aligasyon ni Bautista, binangga ru anang gina manehong tricycle it motorisklo nga gina maneho ni Ruiz.
Parehong naka angkon it lastro sa kaeawasan ru 2 ka mga driver rason nga si Bautista hay gin aywanan na anay ru tricycle dahil nag-imporma pa raya sa anang pamilya.
Taliwas sa aligasyon it pamilya Ruiz nga gin hit and run ni Bautista.
Eagi man nga gin daea sa sangka private hospital si Ruiz it mga rumesponding pulis ag MDRRMO-Kalibo.
Ru 2 pamilya hay nag-estorya sa Kalibo MPS nga mai settle ru aksidenta apang nagfile it kaso ru pamilya ni Ruiz nga Reckless Imprudence Resulting Serious Physical Injury ag Damaged to Property.//MARIVIC Y. ILIN