LEGAZPI CITY – Nakatalaang magkondusir ki satellite voter’s registration an nagkapirang Commission on Elections (COMELEC) offices sa terser distrito kan Albay sa manlain-lain na barangay.
Segun kay Election Officer Alfredo Bas Jr., pupunan kan COMELEC Oas an aktibidad sa Hunyo 5 sa Brgy. Bangiawon, Hunyo 7 sa Tapel, Hunyo 11 sa Camagong asin Hunyo 18 sa San jose.
Sa COMELEC Ligao, mapuon sa Hunyo 8 sa Brgy. Amtic, masunod sa Hunyo 12 sa Tastas, Hunyo 15 sa Ranao-ranao, Hunyo 17 sa Mahaba, Hunyo 18 sa Tula-tula grande, Hunyo 19 sa Batang, Hunyo 22 sa Brgy. Paulba asin Hunyo 29 sa Barayong.
Pig-enganyar kan opisina an publiko na aprubitsaran an aktibidad na ini nganing dai na magpasiring pa sa sentro.
