NAGA CITY – Handa na ang City Government ng Naga particular na ang City Events Protocol and Public Information Office na tanggapin ang mga aplikante para sa gaganaping Miss Bicolandia 2023.
Ang pre-screening sa mga posibleng maging kandidata sa taunang prestiyosong patimpalak na ito ay gagawin sa August 26, araw ng Sabado sa isang hotel sa Magsaysay Avenue.
Napag-alaman ng Brigada News FM Naga na ang mananalong Miss Bicolandia ngayong taon ay tatanggap ng 300 libong piso bilang cash prize maliban sa ibang mga incentives, ang 1st runner-up ay 150 libong piso; 100 libong piso naman sa 2nd runner-up, 75 libong piso naman sa 3rd runner-up at 50 libong piso sa 4th runnuer-up.
Ang mga mapipiling kandidata ay magkakaroon ng Welcome Dinner at Press Presentation sa August 31.
Batay sa impormasyon na inilabas ng CEPPIO, sa darating na September 2 naman ang Swimsuit and Evening Competition at ang Coronation Night ay sa September 6 sa Jesse M. Robredo Coliseum.
Ang kasalukuyang Ms. Bicolandia 2022 ay si Rheema Adakkoden ng Naga City.
