CAMARINES SUR- “Makusog ito ah” ito ang namutawi sa mga labi ng mga nakaramdam ng 3.4 magnitude na lindol sa Naga at Camarines Sur bandang alas 12:38 ng tanghali nitong Biyernes Hulyo 12, 2024.
Nagsilabasan ang mga empleyado ng Naga City Hall na nakaramdam ng pag-uga. Sa panayam ng Brigada News FM Naga kay City Disaster Risk Reduction and Management Officer Erning Elcamil , sinabi na-apply ng mga empleyado ang mga natutuhan sa Earthquake drill. Wala namang naitalang pinsala pero ina-aassess ng CDRRM ang iba pang mga gusali at establishments sa lungsod pati mga paaralan.
Sa tala ng Philippine Institute of Volcanology and Seismology (PHIVOLCS), ang sentro ng lindol ay 13.58°N, 123.09°E – 002 km S 31° E ng Pamplona. Kaya ramdam ang Intensity II sa Naga , Tinambac at Pasacao. Habang Intensity I naman sa City of Iriga.
