Nagakaagnas na ang bangkay sang isa ka senior citizen sang masapwan ini sang iya magulang sa mabukid nga bahin sang Sition Masilum, Barangay Matinabos, Sigma, Capiz, takna alas 11:00 sang aga sang tinalikdan nga Hunyo 27.
Sa impormasyon nga nakuha gikan sa Sigma Municipal Police, ginkilala ang napatay kay alyas “Nonoy”, 67-anyos, mangunguma, kag residente sang Barangay Sta. Rita, Dumalag, kag ginapahayag nga ulihi nga nakita sang Lunes sang aga, Hunyo 24, nga nagapakaon sang iya hinuptan nga kasapatan apang wala na ini makapauli sang gab-i.
Sa karon, padayon pa nga gina-imbestigaran sang otoridad ang insidente kag ang gintunaan sang iya kamatayon.| Frances Joy Preciosa
