Magamag-an na ang pamatyagan sang mangunguma kag manogpangisda sa Capiz nga naapektuhan sang El Niño bangud natalana nga magabaton ang mga ini sang Presidential Assistance for Farmers, Fisherfolk and Families bilang isa sa mga programa sang gobyerno nasyonal.
Ang nasambitan nga assistance ang gintugyan sa mga gobernador sang kada probinsya sa ginhiwat nga distribusyon sa Binirayan Sports Complex, San Jose, Antique sang tinalikdan Hunyo 27.
Nahibaluan nga base sa datos sang Department of Agriculture, kapin 8,293 ka mga mangunguma kag manogpangisda sa probinsya ang na-igo sang El Niño sa mga tinalikdan nga bulan.| Frances Joy Preciosa
