Gitunolan og food packs, hygiene kits, kitchen utensils, beddings, plastic pails, balde, ug uban pa ang mga nabahaan sa Phase 3 sa Laverna Hills, Buhangin ning syudad
Kahinumduman nga apektado sa nahitabo nga baha niadtong Lunes sa gabii ang pipila ka mga residente sa nahisgutan nga lugar diin lagpas abaga ang gilawomon og duna pay pipila ka bahin nga atop na lang ang makita sa balay gumikan sa taas nga level sa tubig.
Gipang-apod-apod sa City Social Welfare and Development Office ang mga hinabang ngadto sa 100 ka mga pamilya nga nabahaan sa nasangpit nga lugar.
Ubay-ubay ka mga indibidwal sa dakbayan ang na apektuhan, hinuon walay natalang casualty subay sa report sa City Disaster Risk Reduction & Management Office.
