Tiniyak ng Metropolitan Waterworks and Sewerage System (MWSS) sa mga local government unit na walang magiging kakulangan sa tubig sa tag-init dahil sa lubos nilang paghahanda sa epekto ng El Niño.
Ayon kay MWSS Water and Sewerage Management Department Manager Patrick Dizon, inatasan na ang ahensya na magpatupad ng mitigation measures noon pang nakaraang taon.
Dumating ang paglilinaw nang ipahayag ng Department of the Interior and Local Government (DILG) ang ang banta ng water supply interruptions matapos ang pakikipagpulong nito sa mga iba’t ibang water companies at barangay.
Noong nakaraang taon, hiniling ng MWSS sa National Water Resources Board na itaas ang elevation ng tubig ng Angat Dam mula 212 hanggang 214 metro.
Ayon kay Dizon, magbibigay ang karagdagang dalawang metro ng dagdag na buffer room sa reservoir at matiyak ang sapat na suplay ng tubig sa tag-init.
#
