LEGAZPI CITY – Kapot na ngunyan kan Tabaco City Police Station an most wanted person na may patong-patong na kaso.
Binisto an akusado na si alyas “Lito” na residente kan nasambit na syudad.
Segun sa report, naarestar ini sa Purok 1, Brgy. Bombon kan nasambit na syudad sa kusog kan mandahamiento de arresto na pirmado kan Setymebre 29 nin huli sa 5 punto nin acts of lasciviousness na may kinaaraman sa kasong pang-aabuso na may piyansang PHP108,000 kada punto.
Apwera digdi, may 3 pa ining punto nin panlulugos sa sarong menor de edad na mayong piyansa.
Tulos na dinara an akusado sa hepatura kan pulisya para sa magkakanigong disposisyon.