BALIK na sa face to face celebration ang 30th Foundation Anniversary ug 20th Munato Festival ning tuiga, human ang duha ka tuig nga pandemic break.
Gikumpirma mismo ni Governor Rogelio “Ruel” D. Pacquiao ang pagbalik sa naandang selebrasyon atol sa gipahigayong inisyal nga Munato 2022 multi-sectoral meeting sa kapitolyo.
Si PTC President ug first lady Jobelle Pacquiao ug si Provincial Administrator Atty. Ryan Jay Ramos ang miapil usab sa maong meeting sa mga provincial heads of offices.
Segun ni Provincial Tourism Officer April Marjorie Rudes nga ang Munato 2022 ang magpahigayon og “Panagtagbo sa Munato” asa ang tanang Sarangans sa nagkadaiyang edad, grupo ug mga tribu ang magpahigayon
og face-to-face human ang duha ka tuig nga wala nakasaulog sa maong festival.
Gipasalig ni Gov.Pacquiao nga tubagon sa provincial government ang unsa mang kakulangon sama sa pondo alang sa maong festival.
Dugang usab ni Rudes, nga lauman sa mga Sarangans ug mga bisita ang grandioso, dako ug mas taas nga selebrasyon sa festival.
