GIPANGITAAN og pamaagi sa kasamtangang administrasyon ang kawad-on sa pondo alang sa krudo ug gasolina sa LGU-GenSan.
Kini ang gibutyag ni Alvin Veneracion, Executive Assistant on Barangay Affairs sa Office of the City Mayor human nga nahurot na ang budget sa fuel luyo nga anaa pa lang sa tunga tunga sa tuig.
Naputol matud pa ang suplay tungod sa wala nabayran nga fuel allocation sa syudad asa minilyon nga kantidad apan dili mabutyag ang ensaktong figure.
Apan nakasiguro si Veneracion na may gihimong lakang si Mayor Lorelie Pacquiao aron dili maapektohan ang paghatod sa mga serbisyo labi nasa pagdagan sa mga ekipo ug government vehicles.
Gi-prioritize matud pa sa mayor ang unsang angayang unahon sama sa problema sa landfill nga dili makalabay ang mga dump truck tungod dili matabunan ug mapatag ang basura tungod walay gasolina nga magamit ang ekipos.
Nakigsabot na usab ang mayor sa supplier sa fuel gawas pa nga may pribadong kompanya nga nagpahulam sa ilang sakyanan ingon man sa mga barangay nga may sobra nga gasolina aron magamit ang sakyanan.
