Ginsueod ag tinakawan ro baeay it sangka senior citizen sa may Sampaguita Rd., Brgy. Andagao, Kalibo, Aklan.
Ginkilaea ro complainant nga si Agustine Ingalla 67 anyos ag residente sa lugar.
Sa report kara sa Kalibo MPS, nabugtaw imaw bandang alas 3 kaina it kaaganhun ag kat pag-check nana sa andang CCTV, hay may nakita raya nga tawo nga nagsueod sa andang kwarto bandang ala una it kaaganhun samtang sanda hay nagakatueog.
Nadiskubre man segun nana nga naduea eon ro andang gamit kaparehu it I Phone 7 plus, tatlong relo ag pila pang gamit sa sueod it andang kwarto.
Bangud sa insidente hay ginpakamayad nga ireport raya it complainant sa Kalibo MPS nga gin-refer sa intel section para sa follow-up. / ANN DESLENE SALAZAR
