Nagapati ro lokal nga gobyerno it siyudad it Iloilo nga bastante ro eksplanasyon it City Health Office kaangut sa natabo nga insidente sa pagbakuna it saea nga brand it vaccine sa sambilog ka indibidwal para sa anang second dose.
Matandaan nga nagrekalmo ro sangka babaye bangud Sinovac ro first dose it bakuna nga ginturok kana pero Moderna ro naging second dose sa anang pagpabakuna.
Sa eksplanasyon it opisina, na-overlook it assessment ag vaccination personnel ro vaccination card it nagreklamo.
Kaangut dikara, base sa pamunuan it siyudad it Iloilo, nakapoy eun ro andang mga vaccinators bangud nagatrabaho pa sanda sa Sabado ag Dominggo agud mabakunahan ro mga barangay ag subdivisions, rason nga importante nga mag-move on eun eang ro publiko agud malakiwan ro kapareho nga insidente./JIL B. LACSON
