Gihaya na karon sa ilang mga kabanay ang duha ka indibduwal nga sakay sa motorsiklong nibangga sa usa ka truck sa Hagonoy, Davao del Sur.
Una niini, subay sa report sa Hagonoy Municipal Police Station paspas matud pa ang pagpadagan sa mga biktimang sila si Crisnol Sulutan ug angkas niini nga si Ever Delatina.
Kalit kining nibangga sa likod nga bahin sa truck pag-abot sa Barangay Guihing resulta sa ilang pagkabagnos sa sementadong dalan ug pagkahiagum sa daghang mga samad ug bali sa lawas.
Nigawas sa imbestigasyon, nag -overtake matud pa sila Sulutan sa usa ka pedicab ayha nibangga sa truck.
Ang drayber usab sa truck ang gikustudiya na sa kapulisan sa samtang ginatun-an ang posibleng kaso nga ipasaka batok kaniya.BNFM-DAVAO
