Pilason ang driver sang motorsiklo matapos bumunggo sa traysikol sa Brgy. Banica, Roxas City pasado alas 5:00 subong nga aga, Setyembre 19.
Ginkilala ang biktima kay Gualberto Bebayo Dichosa, 59-anyos, residente sang Proper, Cabuagao Este sa banwa sang Panay.
Samtang ang driver sang traysikol amo si Felix Helario Sanchez, 55-anyos, residente sang Rizal Street, Roxas City.
Base sa impormasyon nga nakuha sang Brigada News FM Roxas City, nagikan sa banwa sang Panay si Dichosa sakay sa iya motorsiklo nga ginamaneho apang pag-abot sa lugar nga ginluntaran sang aksidente hinali nalang nagpang-agaw sang linya ang traysikol nga ginamaneho naman ni Sanchez rason sang ila pagbunggu-anay.
Bangud sa natabo, nag-angkon sang pilas sa tiil, tuhod kag kamot ang biktima. Gilayon naman nga nagresponde sa lugar ang Roxas City Emergency Response Team kag gindapatan sang pauna nga pagbulong ang biktima. | Judy Ann Juare
