Naninahan sa tuo nga tudlo ru driver it motorsiklo matapos bumangga sa likod it kotse sa karsadahon it Brgy. Laguinbanua-East, Numancia, Aklan.
Sa report, nakilaea ru driver it motorsiklo nga si Gerald Zonio, 30 anyos, sangka construction worker it Brgy. Feliciano, Balete.
Samtang, ru driver it kotse hay nakilaeang si Retired Police Anthony Gabiano, 58 anyos.
Pareho sigun nga naga paadto sa Kalibo ru motorsiklo ag kotse kat sumalpok sa bumper it kotse ru motorsiklo rason nga natumba.
Eagi man nga gin respondehan it MDRRMO-Numancia ag gin eapatan it first aid si Zonio.
Sa makaron, parehong gin impound sa Numancia PNP ru motorsiklo ag kotse ag naka taeana makarong adlaw ru settlement it kada panig.//MARIVIC Y. ILIN
