Kamatayan ro naaguman it 41-anyos nga ginkilaean nga si Rhemy Ronquillo kat mabangga it kotse ro ginamaneho nga motorsiklo sa Brgy. Trapiche, Oton, Iloilo.
Ginkilaea man ro driver it saekyan nga si Lilibeth Florentino, 47-anyos.
Base sa pahayag it mga otoridad matapos mabangga it kotse ro motorsiklo, nakabangga uman it sambilog pa ka delivery truck nga ginamaneho man ni John Ronald Castro Mayor, 30-anyos.
Tuyo pa kunta nga magpalagiw it driver it truck pero may nasagi raya nga seakyan sa Gaisano, Oton rason nga gin-eagas raya it driver it nasagi nga saeakyan ag naabutan sa Mohon Terminal.
Base sa mga otoridad, sa idaeom it impluwensiya it alak ro driver it truck ag presente nga nakapreso sa Oton Municipal Police Station ro driver it kotse ag truck ag nagahueat it nakaigo nga disposisyon./JIL B. LACSON
