Posibleng nag angkon it dislocation sa waea nga batiis ro sangka eaeaki matapos rayang maaksidente sa anang ginamanehu nga motorsiklo sa may Brgy. Calamcan, Libacao, Aklan, kaina it agahun.
Base sa facebook post it Ldrrmo Libacao, nakainom segun ro eaeaki kat matabo ro aksidente.
Insigida man raya nga gin-respondehan it LDRRMO Libacao – Alpha Team ag gintaw-an it paunang medikasyon ag gindaea sa Libacao Municipal Infirmary. // ANN DESLENE SALAZAR
