Naninahan ro motorista ag ro tatlong katawo matapos mabangga it nasambit nga rider ro STL booth sa may Brgy. Naisud, Ibajay, Aklan kabii.
Ginkilaea ro mga biktima nga sanday Nelson Montero 25yo driver it motorsiklo ag taga Brgy. Regador, Ibajay; Mark Anthony Dalisay, 33yo; Maeka Idao, 26yo ag Harold Sastre, 40yo ag parehung residente it Brgy. Naisud, Ibajay.
Sa report, paagto it Sitio Ataso, Brgy. Naisud ro motoristang si Montero kaibahan ro 2 backrider kara kat madueaan segun it kontrol sa manobela.
Bangud sa insidente hay nasaeawig kara ro sambilog sa mga biktima nga si Mark Anthony Dalisay.
Binangga man kara ro STL betting booth kung siin igto sa sueod ro teller nga si Maeka Idao, 26yo, ag nahapit man kara ro bystander nga si Harold Sastre, 40yo ag parehung residente it Barangay Naisud.
Insigida man nga dinaea ro mga naninahan sa Ibajay District Hospital samtang ro motorsiklo ni Montero hay dinaea sa Ibajay MPS para sa dokumentasyon ag disposisyon. / ANN DESLENE SALAZAR
