Kamatayan ro ginsapit it sambilog ka 40-anyos nga eaeaki matapos mabangga ro ginamaneho nga motorsiklo sa kasalubo kara nga Ceres bus sa Barangay Bungca, Barotac Nuevo, Iloilo.
Ro driver it motorsiklo hay ginkilaea nga si Elvin Miranda, 40, residente it Barangay Pagdugue, Dumangas, Iloilo ag ginkilaea man ro driver it bus nga si Sephrine Solidad, 46, residente it President Roxas, Capiz.
Sa pahayag it mga otoridad, sa tama nga lane ro bus pero nag-overtake ro motor sa anang ginasundan nga motorsiklo dahilan it aksidente.
Base pa sa mga otoridad, posible segun nga sa idaeom it impluwensiya it alak ro biktima.
Patal nga tama sa ueo ro ginkamamtay ni Miranda./JIL B. LACSON
