Patay ru driver it motorsiklo matapos aksidenting bumangga sa naga tabok nga bisekleta sa boundary it Brgy. Marianos ag Huyao-huyao, Numancia, Aklan.
Sa report, nakilaea ru biktima nga si Reslie Ismael, 42 anyos, ag residente it Brgy. Old Buswang, Kalibo, Aklan.
May angkas nga sangka babaye ru driver it motorsklo nga uwa pa makilaea ag napansing eaging pumaeagyo sa lugar.
Samtang, nakilaea ru driver it bisekleta nga si Maricris Cesar, 48 anyos ag residente it Brgy. Laguinbanua West, Numancia, Aklan.
Natabo ru aksidente kat magsubeang ru bisekleta nga hana kontang magpaliko sa waea apang uwa ma control it driver it motorsiklo dahilan nga bumangga.
Ru motorsiklo hay halin sa Numancia paadto konta it Kalibo.
Naka angkon it patal nga lastro sa ueo ru bitkima rason nga eaging gin daea sa hospital it mga rumesponding MDRRMO-Numancia ag Numancia MPS.
Apang, kahapon, namatay ru biktima matapos maka angkon it critical nga condition.//MARIVIC Y. ILIN
