SORSOGON CITY – Naaresto ang isang most wanted ng Matnog Police matapos ang isinagawang operasyon sa Buenavista II, General Trias, Cavite kaninang alas 6:45 ng umaga.
Inaresto si Arlan Osma Gepoleo, 40-anyos, construction worker, residente ng Brgy Laboy, Matnog, Sorsogon.
Ang pag-aresto ay sa pamamagitan ng bisa ng arrest order na ibinaba ng RTC Br 55-Irosin, Sorsogon sa kasong Rape na may relasyon sa RA 7610 o Child Abuse na walang inirekomendang piyansa.
Isinagawa ang operasyon ng mga miyembro ng police intelligence ng Matnog Police bilang lead unit at General Trias PNP kasama ang Regional Intelligence Unit 5, Sorsogon Provincial Intelligence Branch at ng 2nd Provincial Mobile Foirce Company-Bulan, Sorsogon.
Nasa kustudiya na ng Matnog Police ang akusado.
